سهير جودة تفاجئ هاني شنودة بسر خطير عن نجاة والاخير: كانت صيادة للأغاني

كشفت الاعلامية سهير جودة، عن كواليس اختيار نجاة للأغاني من الموسيقار هاني شنودة، قائلة: «كانت بتسمع الاغاني تحت بيتك والاغنية اللي تعجبها تطلع تخبط عليك وتاخدها».

وقال هاني شنودة في برنامج «الستات»، المذاع عبر فضائية النهار، أن نجاة كانت تقوم بهذا الامر بالفعل، مشيرا: «كنت ساكن في الدقي في الدور الارضي، كانت بتيجي متخفية، ربنا يديها الصحة، وهي فضلها كبير على الفن المصري».

وتابع شنودة: «كنت بلاقيها تخبط عليا وتقولي ايه اللي كنت بتلعبه دلوقتي، انا هبعتلك الابنودي يكتب عليها كلام وتبقى بتاعتي، واكتشفت انها بتقعد تحت بيتي بعدين، لان مش ممكن تكون بتيجي كل مرة على اغنية بالظبط».

واشار: «كانت بتخلي السواق يركن العربية جنب البيت وتنزل تتمشى، هي كانت صيادة، بتعرف تصطاد الاغاني، هي غنت من الحاني 3 اغاني ونجحوا، اغنية بحلم معاك، انا بعشق البحر، ويوم الهنا».